Spectrum noline nosdkn largerS Csw3 

DSC 0136 H

 

Spectrum

Sustainable Development Knowledge Network

"Resources - Rights - Justice"

ကလေးသုံးစာအုပ်များ

Spectrumအနေနှင့် သဘာဝပတ်ဝန်းကျင်ကို အခြေခံထားသည့် ကလေးစာအုပ်များစွာ ထုတ်ဝေထားပြီးဖြစ်သည်။ ၄င်းစာအုပ်များကိုသက်ဆိုင်ရာ ကျွှမ်းကျင်ပညာရှင်များက ရေးသား၍ မြန်မာစာ၊မြန်မာစကားဖြင့် ထုတ်ဝေထားသည့်အပြင် မြန်မာကာတွန်းဆရာများ၏ ရေးဆွဲမှု လက်ရာများဖြင့် ပုံဖော်ထားသည်။

ရွာကလေး၏ ဒဏ္ဍာရီ

အသက် ၆နှစ်မှ ၁၂နှစ်အရွယ်ကလေးများအတွက် ရည်ရွယ်ထုတ်လုပ်ထားခြင်းဖြစ်သည့် ဤစာအုပ်ငယ်တွင် သဘာဝသယံဇာတ အရင်းအမြစ်များ ကြွယ်ဝသည့် ရွာကလေးတစ်ရွာအကြောင်း၊ ၄င်းရွာကလေး၏ အရင်းအမြစ်များကို ကိုယ်ကျိုးစီးပွားအတွက် အမြတ်ထုတ်သည့် ဦးလောဘဆိုသည့် လူတစ်ယောက်အကြောင်း၊ ဦးလောဘကဲ့သို့ ချမ်းသာချင်ကြသည့် ရွာသားများအကြောင်း၊ ၄င်းတို့ကြောင့် ရွာကလေး မည်သို့ ပျက်စီးသွားပုံအကြောင်း ရေးဆွဲထားခြင်း ဖြစ်သည်။ ထိုမျှမက တောရိုင်းတိရစ္ဆာန်လေးများနှင့် ရပ်ရွာလူထု၏ နေထိုင်စရာ အရိပ်အမြုံလေးများ ပျက်စီးသွားပါက မည်သို့ နောက်ဆက်တွဲ ပြဿနာများ ပေါ်ပေါက်လာနိုင်သည်ကိုပါ သင်ခန်းစာပေးထားသည်။ အချုပ်ဆိုရလျှင် ဤစာအုပ်ငယ်သည် သက်ရှိဇီဝအချင်းချင်း အပြန်အလှန် ဆက်နွယ်မီခိုနေကြသည့်အကြောင်း၊ သဘာဝအရင်းအမြစ် စီမံခန့်ခွဲမှုနှင့် ရာသီဥတုအပြောင်းအလဲတို့ ချိပ်ဆက်နေမှုများအကြောင်းကို ကလေးများအား သင်ကြား သိမြင်စေလိုခြင်း ဖြစ်သည်။

လင်းပိုင်မလေး အိနေရည်

အသက် ၈နှစ်မှ ၁၅နှစ်အရွယ် ကလေးများအတွက် ရည်ရွယ်ထုတ်လုပ်ထားခြင်း ဖြစ်ပါသည်။ မြန်မာနိုင်ငံ၏ အဖိုးတန် ဧရာဝတီမြစ်အတွင်း ရှင်သန်နေထိုင်ကြသည့် ဧရာဝတီ လင်းပိုင်ကလေးကို ဇာတ်ဆောင်လုပ်ကာ အသက်သွင်းထားသည့်  ရုပ်ပြစာအုပ်လေးဖြစ်သည်။ ဤစာအုပ်ငယ်တွင် လေထုနှင့် ရေထု ညစ်ညမ်းမှုကြောင့် တိရစ္ဆာန်တို့၏ အစာကွင်းဆက်များ ထိခိုက်ပျက်စီးရပုံ၊ ထိုမှတဆင့် လူသားတို့ကို ထိခိုက်လာနိုင်ပုံတို့ကို ရေးဆွဲဖော်ပြထားသည်။ ထို့အပြင် ညစ်ညမ်းမှုများကြောင့် အစာကွင်းစက်အတွင်း အဆင့်ဆင့် အဆိပ်သင့်မှု၊ သက်ရှိတို့၏ ကိုယ်ခန္ဓာအတွင်း အဆိပ်များ စုဝေးနေမှု၊ နောက်ဆုံး ကမ္ဘာကြီးပူနွေးလာစေမှု စသည့် သဘောတရားများကိုလည်း ရှင်းပြထားသည်။ အရေးအကြီးဆုံးမှာ ဤစာအုပ်ငယ်တွင် ကလေးများအတွက် စွန့်ပစ်ပစ္စည်း စီမံခန့်ခွဲမှုဆိုင်ရာ နည်းလမ်းများကို တင်ပြထားရုံမျှမက စွန့်ပစ်ပစ္စည်းများကို ပြန်လည် အသုံးချနိုင်သည့် နည်းလမ်းများကိုပါ ရှင်းလင်းသင်ကြားပေးထားသည်။

သနားစရာ ရေညှောင့်နှုတ်ဝိုင်းငှက်ကလေး

အသက် ၆နှစ်မှ ၁၅နှစ်အရွယ် ကလေးများအတွက် ရည်ရွယ်ထုတ်လုပ်ထားခြင်း ဖြစ်ပါသည်။ ဤစာအုပ် ငယ်တွင် မျိုးပြုန်းအန္တရာယ်ကြောင့် ထိန်းသိမ်းစောင့်ရှောက်စာရင်းဝင် ရေညှောင့် နှုတ်ဝိုင်းငှက်ကလေး တစ်ကောင်ကို ဇာတ်ကောင်လေးအဖြစ် ထည့်သွင်းသရုပ်ဖော်ထားသည်။ ရေညှောင့် နှုတ်ဝိုင်း ငှက်ကလေးက မည်သည့်အကြောင်းကြောင့် သူတို့ ခိုလှုံနေထိုင်ရာ နေရာလေးများ ပျက်စီးပျောက်ကွယ် သွားကာ သူတို့မျိုးစိတ်လေးများ မျိုးတုန်းအန္တရာယ် ရင်ဆိုင်နေရသည်ကို စူးစမ်းအဖြေရှာရင်း ဇီဝမျိုးစုံမျိုးကွဲမှုနှင့် ထိန်းသိမ်းစောင့်ရေးလုပ်ငန်းများ၏ အရေးပါပုံကို တင်ဆက်ထားသည်။ ဤစာအုပ်ငယ်လေးတွင် မြန်မာနိုင်ငံအတွင်းတွင် နေထိုင်ကျက်စားပြီး မျိုးသုန်းအန္တရာယ်ရင်ဆိုင်နေကြရသည့် အခြားသတ္တဝါမျိုးစိတ် များအကြောင်းကိုလည်း ဗဟုသုတအလို့ငှာ ထည့်သွင်းပြောပြထားသည့်အပြင် သဘာဝဝန်းကျင်ကို မထိခိုက်စေဘဲ လူသားတို့ အသက်မွေးဝမ်းကျောင်းပြုနိုင်မည့် ဂေဟခရီးသွားလုပ်ငန်းကဲ့သို့သော လုပ်ငန်းများအကြောင်း ကိုလည်း ကလေးများအား ရှင်းလင်းပြောပြထားသည်။

ဂဏန်းလေးပြောသော အဆိပ်အကြောင်း

အသက် ၅နှစ်မှ ၁၂နှစ်အရွယ်ကလေးများအတွက် ရည်ရွယ်ထုတ်လုပ်ထားသည့် ဤစာအုပ်ငယ်လေးတွင် အဓိက ဇာတ်လိုက်ကျော်မှာ ဂဏန်းငယ်လေးတစ်ကောင် ဖြစ်သည်။ သူ၏ သူငယ်ချင်းများဖြစ်သော  ငါးကလေး၊လိပ်ကလေးနှင့်အတူ သတ္တုများကြောင့် ဖြစ်ပွားသော အဆိပ်များအကြောင်းကို ကလေးများ သိအောင် မိတ်ဆက်တင်ပြထားသည်။ ယခုစာအုပ်ငယ်တွင် မြန်မာတို့နှင့် နီးစပ်ဆက်နွယ်လေ့ရှိသည့် သတ္တုမိုင်းလုပ်ငန်းများမှ ပြဒါးများ၏ အန္တရာယ်အကြောင်း၊ ရေပိုက်များ၊ ဘတ္ထရီများနှင့် လျှပ်စစ် စွန့်ပစ်ပစ္စည်းများတွင် ပါရှိသော ခဲအန္တရာယ်အကြောင်း စသည့် ပြဿနာရပ်များအကြောင်း ကိုလည်း စုံစုံလင်လင် တင်ပြထားသည်။ ထို့အပြင် အရေးကြီးဆုံးအချက်ဖြစ်သည့် ဘေးကင်းသော စွန့်ပစ်နည်းများနှင့်အတူ ပတ်ဝန်းကျင်တွင် အဆိပ်သင့်နေကြောင်း မည်ကဲ့သို့ သိရှိနိုင်ပုံတို့ကိုလည်း ထည့်သွင်းတင်ပြထားသည်။

ပန်းသီးလေးပြောသော အဆိပ်အကြောင်း

အသက် ၅နှစ်မှ ၁၂နှစ်အရွယ်ကလေးများအတွက် ရည်ရွယ်ထုတ်လုပ်ထားသည့် ဤရုပ်ပြစာအုပ်လေးတွင်မူ ဓာတ်မြေသြဇာများ၊ ပိုးသတ်ဆေးများ၊ မျိုးရိုးဗီဇပြုပြင်ဖန်တီးထားသော အစာများကြောင့် အစားအသောက် များတွင်  အဆိပ်အတောက်များ ရှိတက်ပုံကို ဖော်ပြထားခြင်းဖြစ်သည်။ ပန်းသီးလေး၏ အမြင်ဖြင့် ပြောပြထားသော ဤစာအုပ်ကလေးတွင် ကလေးများကို မြန်မာနိုင်ငံအတွက် ဘေးကင်းလုံခြုံစွာ အသုံးပြုနည်း၊ သိုလှောင်နည်းနှင့် စွန့်ပစ်နည်းတို့  မပါရှိဘဲ လယ်သမားအား ပိုးသတ်ဆေးများ ရောင်းချခြင်း၊ နမူနာပေးခြင်းစသည့် ပြဿနာရပ်များကို ရှင်းပြပေးထားသည်။ ထို့အပြင် အဆိပ်ပါဝင်သော အစားအသောက်များ စားသုံးမိခြင်းကြောင့် ဖြစ်လာနိုင်သည့် ဘေးထွက် ဆိုးကျိုးများကိုပါ ပန်းသီးလေးက ပြောပြနေဟန် စိတ်ဝင်စားဖွယ် တင်ပြထားသည်။

ဖိုးစပ်စုလေးရဲ့ အမေး

လူငယ်များအား ရာသီဥတုပြောင်းလဲခြင်းဆိုင်ရာ  အသိပညာပေးရန်အတွက် ရည်ရွယ်ပြီး ကာတွန်းဇာတ်လမ်းလေးတစ်ခု ဖန်တီးထုတ်ဝေထားသည်။ ၄င်းကာတွန်းဇာတ်လမ်းလေးတွင် ရာသီဥတုပြောင်းလဲခြင်းနှင့် ပတ်သတ်သည့် သတင်းအချက်အလက်များကို အပြည့်စုံဆုံး ထည့်သွင်းပေးထားသည်။ ၂၀၁၅တွင် မြန်မာနိုင်ငံတစ်ဝှမ်းလုံး ရင်ဆိုင်ကြုံတွေ့ခဲ့ရသော ရေကြီးရေလွှမ်းမှုခံစားရသူများ၏ ဖြစ်ရပ်မှန်ဇာတ်လမ်းများကို အခြေခံကာ ဇာတ်လမ်းတည်ဆောက်ထားခြင်းဖြစ်သည်။ ဤစာအုပ်လေးတွင် ကျွှန်ုပ်တို့ အဘယ်ကြောင့် နေရပ်စွန့်ခွာရွှေ့ပြောင်းရသူများ တနည်းအားဖြင့် ရာသီဥတုဒုက္ခသည်များ ဖြစ်လာရသည်ကို ဖော်ပြထားသလို ရှေ့ပြေးသတိပေးစနစ်များ၏ အရေးပါပုံ၊ ရာသီဥတုပြောင်းလဲမှုကို လိုက်လျောညီထွေ နေထိုင်နိုင်စေမည့် နည်းလမ်းများ စသည်တို့ကိုလည်း စုံလင်စွာ ဖော်ပြထားသည်။

Spectrumမှ ထုတ်ဝေသော စာအုပ်များကို မှာယူလိုပါက Spectrumသို့ ဆက်သွယ်ဝယ်ယူနိုင်ပါသည်။

Powered by KnowledgeArc