Spectrum noline nosdkn largerS Csw3 

1 Home

Spectrum

Sustainable Development Knowledge Network

"Resources - Rights - Justice"

Spectrum အနေဖြင့် လူတိုင်းပူးပေါင်းဆောင်ရွက်မှုရှိပါက ရေရှည်တည်တံ့ခိုင်မြဲသည့် ဖွံ့ဖြိုးတိုးတက်ရေးလုပ်ငန်း ပိုမိုထိ ရောက်အကျိုးရှိမည်ဖြစ်ကြောင်း လက်ခံယုံကြည်ပါသည်။ ဤနည်းအားဖြင့် လက်ရှိလိုအပ်ချက်များကို ဖြည့်ဆည်းပေးနိုင်ပြီး အနာဂတ်မျိုးဆက်သစ်များ၏ လိုအပ်ချက်များကိုပါ ပြည့်မှီစေသည့် ဖွံ့ဖြိုးတိုးတက်ရေးကို လက်ခံရရှိမည်ဖြစ်သည်။ ("ကျွန်ုပ်တို့၏ ဘုံအနာဂတ်"၊ ၁၉၈၇ ဘရန့်တလန်း ကော်မရှင် အစီရင်ခံစာ)


ရေရှည်တည်တံ့ခိုင်မြဲသည့် ဖွံ့ဖြိုးတိုးတက်ရေးသည် ခိုင်မာအားကောင်းသည့် လူမှုရေးနှင့် စီးပွားရေးဖွံ့ဖြိုးတိုးတက်မှုကို အ ထောက်အကူပြုသည်။ အထူးသဖြင့် ရှင်သန်နေထိုင်မှု အရည်အသွေး နိမ့်ကျလျက်ရှိသူများ၏ ဘ၀များကို မြင့်မားတိုးတက် လာစေနိုင်သည်။

ထိုနည်းတူ သဘာဝပတ်ဝန်းကျင်ထိန်းသိမ်းစောင့်ရှောက်မှု၊ သဘာဝသယံဇာတအရင်းအမြစ်အသုံးပြုမှုနှင့် ပတ်သက်၍ တာဝန်ယူမှုရှိရှိဖြင့် အသုံးပြုရန် အလွန်အရေးကြီးကြောင်းကိုလည်း မီးမောင်းထိုးပြလျက်ရှိသည်။ စီးပွားရေးနှင့် လူမှုရေး အဆင့်အတန်းမြင့်မားလာစေရန်သာ ဖိစီးဆောင်ရွက်ပါက သဘာဝပတ်ဝန်းကျင် ထိခိုက်ပျက်စီးနိုင်သဖြင့် ယင်းတို့ကို ရေရှည်တည်တံ့ခိုင်မြဲမှုရှိသည့် လုပ်ဆောင်ချက်များအဖြစ် သတ်မှတ်၍မရပေ။
သို့ဖြစ်၍ ရေရှည်တည်တံ့ခိုင်မြဲသည့် ဖွံ့ဖြိုးတိုးတက်ရေးဆိုင်ရာ အသိပညာပေးကွန်ရက်အဖြစ် ရပ်တည်နေသည့် အဖွဲ့အစည်း ဖြစ်သည်နှင့်အညီ လူ့ဘောင်အသိုက်အ၀န်းအတွင်းရှိ လူတန်းစားအလွှာအသီးသီးအား အသိပေးခြင်း၊ ပညာပေးခြင်းနှင့် ခိုင် မာအားကောင်းလာစေရန် ပံ့ပိုးဆောင်ရွက်လျက်ရှိသည်။ အုပ်ချုပ်စီမံရေး၊ သဘာဝပတ်ဝန်းကျင်နှင့် သယံဇာတ အရင်းအမြစ် စီမံခန့်ခွဲရေးဆိုင်ရာ သတင်းအချက်အလက်များကို ဖြန့်ဝေပေးခြင်းအားဖြင့် ရပ်ရွာလူထု၏ ပူးပေါင်း ပါဝင်မှု မြင့်တက် လာပြီး နိုးကြားတက်ကြွမှု ရှိသည့် နိုင်ငံသူနိုင်ငံသားများဖြစ်လာမည်ဟု ယုံကြည်မျှော်လင့်ပါသည်။

 ကျွန်ုပ်တို့၏ ရည်မှန်းချက်မှာ အစိုးရ၊ စက်မှုလုပ်ငန်းနှင့် အရပ်ဘက်လူ့အဖွဲ့အစည်းကဲ့သို့သော ကဏ္ဍစုံပတ်သက်ပါဝင်သူများ အကြား ညှိနှိုင်းဆောင်ရွက်မှု ခိုင်မာအားကောင်းလာစေခြင်းဖြင့် ပွင့်လင်းမြင်သာမှုနှင့် တာဝန်ခံမှု တိုးတက်မြင့်မားလာအောင် ပံ့ပိုးဆောင်ရွက်ပေးရန်ဖြစ်သည်။ ကျွန်ုပ်တို့အနေဖြင့် အနာဂတ် စီးပွားရေးနှင့် လူမှုရေးဖွံ့ဖြိုးတိုးတက်ရေးလုပ်ငန်းများအားဖြင့် နိုင်ငံသူနိုင်ငံသားတိုင်း၏ ဘ၀အရည်အသွေး တိုးတက်မြင့်မားလာစေရန် ဆန္ဒရှိသည်။

 ပြုပြင်ပြောင်းလဲရေးအတွက် ယခုပင်ပူးပေါင်းပါဝင်၍ အတူတကွ ခရီးဆက်ကြပါစို့။

2 edition book cover budget guide book sm

"ဆုံးဖြတ်ချက် ချမှတ်သူများအတွက် ဘတ်ဂျက်ရေးဆွဲခြင်း လက်စွဲ" ကိုထုတ်ဝေလိုက်ပါသည်။  စာအုပ်ရယူလိုပါက အောက်ပါ  Link တွင် ရယူနိုင်ပါသည်။

Featured content

  • သယံဇာတ အရင်းအမြစ် စီမံခန့်ခွဲမှု

    သယံဇာတ အရင်းအမြစ် စီမံခန့်ခွဲမှု

    ကမ္ဘာ့အတိုင်းအတာအရ နိုင်ငံရေးအဆောက်အအုံအားနည်းပြီး နိုင်ငံရေးချိန်ခွင်လျှာညီမျှမှုမရှိသည့် နိုင်ငံများတွင် သယံဇာတ အရင်းအမြစ်ကြောင့် ဖြစ်ပွားသည့် နိုင်ငံရေးပြဿနာများ ပေါ်ပေါက်လေ့ရှိသည်။

    Read more...
  • လူ့အခွင့်အရေး

    လူ့အခွင့်အရေး

    အခွင့်အရေးဆိုသည်မှာ တစ်စုံတစ်ခုအား လုပ်ဆောင်ရန် (သို့) ပိုင်ဆိုင်ရန် သိက္ခာတရားအရသော်လည်းကောင်း၊ ဥပဒေအရသော်လည်းကောင်း ခံစားပိုင်ခွင့်ရှိသည့် အရာအဖြစ် အဓိပ္ပာယ်သတ်မှတ်နိုင်သည်။

    Read more...
  • စီးပွားရေးဆိုင်ရာ တရားမျှတမှု

    စီးပွားရေးဆိုင်ရာ တရားမျှတမှု

    ကြွယ်ဝသည့် သဘာဝသယံဇာတအရင်းမြစ်များကိုပြည်သူတစ်ရပ်လုံး ခွဲဝေသုံးစွဲသင့်သည်ဟု Spectrum မှ ခံယူသည်။

    Read more...
  • အခြားကဏ္ဍများ

    အခြားကဏ္ဍများ

    ကျားမရေးရာ၊ စွမ်းအင်နှင့် ပညာရေး ကဲ့သို့သော အရေးကြီးပြီး အပြန်အလှန်ဆက်စပ်မှုရှိသည့် နယ်ပယ်များစွာရှိသည်။ နယ်ပယ် သုံးခုသည် Spectrumမှ အဓိကထားလုပ်ဆောင်နေသည့်

    Read more...

သတင်း

ဒေသန္တရ အုပ်ချုပ်ရေးတွင် လူငယ်များနှင့် ချိတ်ဆက်ဆောင်ရွက်နိုင်ရန် Login Asia ၏ အလုပ်ရုံဆွေးနွေးပွဲသို့ Spectrum ကိုယ်စားလှယ် တက်ရောက်ခဲ့

31/10/2018

ဒေသန္တရ အုပ်ချုပ်ရေးတွင် လူငယ်များနှင့် ချိတ်ဆက်ဆောင်ရွက်နိုင်ရန်  Login Asia ၏ အလုပ်ရုံဆွေးနွေးပွဲသို့ Spectrum ကိုယ်စားလှယ် တက်ရောက်ခဲ့

Spectrum အဖွဲ့၏ စီမံကိန်း အရာရှိ Mai Julia Dawt Len Iang က ဖိလစ်ပိုင်နိုင်ငံတွင် ၃ ရက်ကြာ ကျင်းပပြုလုပ်ခဲ့သည့် ဒေသန္တရအုပ်ချုပ်ရေးတွင် လူငယ်များပိုမိုပါဝင်ခွင့်ရရှိစေရေးအတွက် Login Asia က ဦးဆောင်ပြုလုပ်ခဲ့သည့် အလုပ်ရုံဆွေးနွေးပွဲကို တက်ရောက်ခဲ့သည်။

အလုပ်အကိုင် အခွင့်အလမ်း ( ပြန်လည် ကြေညာခြင်း)

18/10/2018

Spectrum မှ ဆက်သွယ်ညှိနှိုင်းရေးမှူးရာထူးအား နောက်တစ်ကြိမ် ထပ်မံ ခေါ်ယူလျက်ရှိပါသည်။ လျှောက်လွှာပိတ်ရက်မှာ အောက်တိုဘာ ၂၈ ရက်၊ ၂၀၁၈ခုနှစ် (တနင်္ဂနွေနေ့) ညနေ ၅ နာရီ ဖြစ်ပါသည်။

စွမ်းအားမြင့် မီးဖိုဆိုင်ရာ ဆက်စပ် ပတ်သက်သူများ အလုပ်ရုံဆွေးနွေးပွဲတွင် Spectrum အဖွဲ့က ပူးပေါင်းကူညီခဲ့

17/10/2018

စွမ်းအားမြင့် မီးဖိုဆိုင်ရာ ဆက်စပ် ပတ်သက်သူများ  အလုပ်ရုံဆွေးနွေးပွဲတွင် Spectrum အဖွဲ့က ပူးပေါင်းကူညီခဲ့

မာစီကော(မြန်မာ)၏ မြန်မာ့မီးဖိုစီမံကိန်း (Myanmar Stoves Campaign) နှင့် သစ်တောဦးစီးဌာနတို့ ပူးပေါင်းပြီး စွမ်းရည်မြင့် မီးဖိုများကို တစ်နိုင်ငံလုံး ကျယ်ကျယ်ပြန့်ပြန့် သုံးစွဲနိုင်ရေးအတွက် “စွမ်းအားမြှင့်မီးဖိုဆိုင်ရာ ဆက်စပ်ပတ်သက်သူများ အလုပ်ရုံဆွေးနွေးပွဲ” ကို အောက်တိုဘာလ ၁၆ ရက်နေ့တွင် မန္တလေးတိုင်းဒေသကြီး မန္တလေးမြို့ ရှိ ဟိုတယ်မန္တလေးတွင် ကျင်းပပြုလုပ်ခဲ့သည်။

အလုပ်အကိုင် အခွင့်အလမ်း

08/10/2018

Spectrum မှ စားသုံးနိုင်သည့် အင်းဆက်များနှင့်ပတ်သက်ပြီး သုတေသနပြုလုပ်သူများအား ခန့်အပ်ရန် ခေါ်ယူလျက်ရှိပါသည်။ လျှောက်လွှာပိတ်ရက်မှာ အောက်တိုဘာ ၁၉ ရက်၊ ၂၀၁၈ခုနှစ် (သောကြာနေ့) ညနေ ၅ နာရီ ဖြစ်ပါသည်။

Powered by KnowledgeArc